ماذا يوجد في حقيبة مكياج المراهقة؟؟((اساسيات الميك اب ))
السلام عليكم اليوم ان شاء الله البوست عن الاشياء الي المفروض تتواجد بشنطنا الميك اب سواء كننا مراهقات او مبتدئات او حتى الي ماتحب تحط ميك اب كثير واستخداماتهم
طبعا للتوضيح المنتجات المعروضة مش عشان الماركة او النوع عشان التوضيح فقط , اكيد اذا انتي حابة تقللي او تزيدي من المنتجات ذا شئ براحتك بس هنا انا حطيت الاساسيات كـ دليل لااي وحدة للميك اب
نبدأ بسم الله واعتذر على الاطالة
المرطبات شئ مهم في الميك اب سواء كان للفم ام الوجه ام العيون اختاري النوع الي يناسب بشرتك
الاساس : حلو ان تكون بشرتك طبيعية فالافضل انك تستخدمي بودرة ومهم جدا اذا بنستخدم بودرة نكون وضعنا من قبلها واقي شمس
او بيبي كريم و اغلب البيبي كريم يحتوي على وقاية من الشمس
طبعا كريم الاساس هذا للمناسبات
طبعا عشان مايكون الوجه باهت بنحط بلاشر((احمر خدود))
نجي للعيون واكيد اذا المناسبة مش كبيرة مابنحط ظلال واصلا الظلال يعطي ايحاء انو نحن اكبر فنكتفي بالماسكرا ونختار ماسكرا تصلح للاستخدام اليومي
اذا مره نفسك تحطي شئ زيادة فيك تحطي ايلاينر ناعم وبتطلعي قمة في الجمال والبساطة
طبعا هذا الشئ بس عشان نرتب حواجبنا والي حواجبها مرسومة ومافيها فراغات ماتحتاج
بودرة حواجب
الشفايف روج او مورد((تنت))او مرطب فيه لون
في النهاية حقائب الميك اب ممكن تاخذونها من كل مكان
ممكن في سيتي ماكس اوفور ايفر 21 او حتى الماركات الكبيرة اذا شريتي عطور ممكن يعطوك شنطة انا هذي الشنطة تبع بنفت هدية
اتمنى نال اعجابكم البوست والتصوير ان شاء الله يكون تحسن
احبكم في الله
@nail_art55
