السلام عليكم ورحمة الله وبركاته
اعرفف اني حمستكم معاي بالسناب بالبوكسات الي توصلني وانا تحمست اكتب التدوينة واصور لكم ماشاء الله صورتها بيوم بس يعني حركات بركات منعتني من اني انزلها لكم لضيق وقتي
ماعلينا تعالوا ندردش شوي عن الاشياء الي اشتريتها (كانت كلها بيوتي )
اول بوكس من كولر بوب (قبل ماينزلوا السنقل شادو الباودر )
خلوني اسولف لكم عن الطلب من كلر بوب
اول شي مو دايماً يقبل البطاقة العادية لازم فيزا او ماستر كارد وهذا الي عانيته باول طلب لي منهم بعدين صرت اعرف الحمدلله مجموع طلباتي تعدا ٤٩ دولار اتوقع فعشان كذا الشحن كان فري لكل دول العالم
انا ابدا ماكنت مستعجلة عليهم ف قلت يلا شحن عادي ف اخترت الي ببلاش
حقهم طبعا الحلو فيه انهم يعطونك رقم تتبع للشحنه حقتك بالرغم من انه فري
وهذي ميزة مو اغلب المواقع يوفروها
التواصل معاهم شوي صعب لو صار عندك غلط او اي شي
يلا نرجع للمشتريات :
كان عبارة عن ٥ شدوهات وروجين
واحد مات والثاني ستن
هذي هي الشدوهات
الالوان للاسف ماقدرت اصورها كويس
midnight زيتي
envy بنفسجي
billionaire ذهبي
paradox الاحمر
catnap الي مايل على بنك
المات اسمه تراب
والثاني ستن
اثنينهم بعد تجربة جديدة بالنسبة لي لاني زي ماسبق بتدوينة سيفورا قلت اني ما اميل لكثير درجات غير البنك
ف تراب كان استخدامي له مع خلطه بلون ثاني
وفراك ماتوقعععععععععت انيييي بحبه كذا يجننننن خلصت نصه في شهرين متخيلين!!!!!!
جمييل مره وقوامه ثابت جدا ماحسيت انه ستن من كثر ماهو ثابت
رسالتهم صنعت يومي ذاك اليوم هههههههههههههههههههه
ــــــ
الموقع الثاني مورف برشز
كلنا نعرفه اكتسح السوق بسبب جودته و كثرة الوانه وتنوعه
طلبت منه عن طريق شركة بريد وهمي (تحتاجي بريد امريكي، انا استخدم واصل حق البريد السعودي اذا تبغوا اتكلم عنه قولوا )
اخذت هذي الدرجات من البالت لانها فيها النتجرال والالوان الي احب اخلطها بالشدو
عجيييب بس عيب البالت انها تتوسخ من برا بسرررعة فيبغالها مسح * بالنسبة لي احب استخدم شدوهاتهم مع برايمر لازم مع انها حلوة مو خفيفة
اشتريت بعد كونتور كريمي بلون فُدج مادري كيف ينطقوه صراحةً
اللون حلو وشايفة له سواتشات كثير من ميك اب ارتست احبهم والدرجة مناسبتني تمام بس عيبه انه كريمي زيادة او ثقيل بالمد بس ماحس مأثر على استخدامي له ابداً
اخر اوردرر كان من واتس اب نايلز
موقع يبيع ادوات النيل ارت واسعاره واجد مناسبة بالسيل الشحن مجاني بس طول و الدفع عادي ب البطاقة (فيزا عادية)
انا اذا تتابعوني من قبل اموت على فن الاظافر فحبيت اني اشجع نفسي بشوية فرش
ثلاث فرش جميلة وانيقة رقم ٩ و ١٠ و ٧
هذول لصق مفرغ لهم طريقة خاصة
جلي ستامبر تتججججججنننن
اخر شي من عرض موديلز اون بالظهران باي ون قت ون اشتريت هالالوان ولون من فلورمار كرففففتتتته بالشتاء
وتمممممممم بحمد الله اتمنى انكم استمتعتوا بهدرتي الكثيرة
